مع رقمي تقدر تشغّل شات بوت بأزرار بيرد ويحجز لعملاءك لوحده، أو مساعد ذكاء اصطناعي (AI Agent) بيفهم كل عميل ويرد من منتجاتك وأسعارك الحقيقية ويبيع بدالك. أو الاتنين مع بعض.
الشات بوت ولا الـ AI Agent؟
الشات بوت بيرد تلقائي بقايمة ثابتة وبيحجز لعملاءك لوحده. والـ AI Agent بيفهم كل عميل، ويرد من منتجاتك، ويبيع بدالك. اتفرج على الاتنين وشوف الفرق.
المساعد الذكي بيعمل إيه؟
مش مجرد بوت للرد على العملاء. ده مساعد ذكي بيعرف متجرك كويس، وبيرجع لك بس في الحاجات اللي محتاجاك فعلًا.
المساعد بيدوّر في منتجاتك، ويعرض المقاس واللون المتاحين بسعرهم الحقيقي. ولما العميل يقول «ضيفه»، بيتضاف للأوردر ويتسجّل عندك. ومفيش حاجة بتتضاف من غير ما العميل يطلبها.
اديله لينك موقعك، أو خليه يقرا بوستاتك على فيسبوك وإنستجرام، أو المحادثات اللي فريقك رد عليها، أو ملفات PDF وWord. بيطلّع منها الأسئلة وإجاباتها، وانت توافق على اللي يدخل. ومفيش حاجة بتدخل من غير موافقتك.
لو العميل طلب يكلم حد، أو السؤال محتاج قرار منك، المساعد بيحوّل المحادثة لفريقك. وأول ما حد منكم يمسكها، المساعد بيسكت، علشان العميل ميوصلهوش ردين.
حاجات صغيرة بتفرق كتير مع عملاءك، وبتخلي الرد أدق وأقرب لمتجرك.
العميل بيبعت صورة منتج، والمساعد بيلاقي أقرب منتج ليها عندك.
بيقول للعميل أوردره فين، والشحن لمنطقته بكام، من بيانات متجرك.
السعر والمتاح والشحن بييجوا من متجرك. ولو مش لاقي إجابة بيقول كده.
لو عملاءك بيسمّوا منتج باسم تاني، ضيفه مرة واحدة في قاموس متجرك والمساعد هيفهمه على طول.
بيقول للعميل إنه مساعد آلي، زي ما سياسة Meta طالبة.
مميزات الشات بوت
العميل بيكتب، يلاقي قايمة أزرار، يختار اللي محتاجه، ويوصله الرد على طول من غير ما يستنى حد من فريقك.
أول ما العميل يكتب، بيوصله سؤال بأزرار، وكل زرار بيوديه للخطوة اللي انت محددها.
العميل بيملا فورم الحجز أو بياناته من غير ما يخرج من الواتساب، والإجابات بتوصلك على طول.
الرد بييجي من الأوردر نفسه، ومحدش من فريقك بيدخل غير لو العميل طلب يكلم حد.
بيسأل العميل محتاج إيه، ويحوّل المحادثة للقسم أو الموظف الأقل انشغالًا.
بيرد على تعليقات فيسبوك وإنستجرام، وبيبعت رسالة خاصة للي علّق.
من جوه الشات بوت تقدر تشغّل أو توقّف المساعد الذكي في أي محادثة.
شات بوت بدون برمجة
إنشاء شات بوت أو مساعد ذكي مع رقمي مش محتاج مبرمج ولا خبرة تقنية. كله من لوحة التحكم.
اربط واتساب بيزنس وصفحة فيسبوك وحساب إنستجرام في دقايق.
ضيف منتجاتك، وخليه يقرا موقعك وبوستاتك وملفاتك، ووافق على اللي يتعلمه.
اسمه، وأسلوب كلامه، والقنوات اللي يرد عليها.
تابع كل محادثة من صندوق الوارد، وادخل في أي وقت.
اربط واتساب أو ماسنجر أو إنستجرام علشان يبقى للشات بوت مكان يرد منه.
ابدأ flow على رسالة العميل، من الصفر أو من قالب جاهز.
اكتب كل سؤال وأزراره، وحدد كل إجابة هتودي العميل فين.
انشر الشات بوت، ومن أول رسالة هيبدأ يرد على عملاءك.
أدر محادثات العملاء وعمليات المتابعة وسير العمل من مكان واحد.
وفر حتى 40%.
أسئلة بتتكرر
الشات بوت هو برنامج بيرد على رسايل عملاءك لوحده، على واتساب وماسنجر وإنستجرام. شات بوت رقمي بالذكاء الاصطناعي بيفهم الرسالة وبيرد من بيانات متجرك، مش من ردود محفوظة.
الرد التلقائي، زي اللي في الواتساب بيزنس أو الماسنجر، بيبعت رسالة ثابتة، زي رسالة الترحيب أو رسالة الغياب. الشات بوت بالذكاء الاصطناعي بيفهم كل سؤال، ويرد عليه بالمنتج والسعر الصح، وبيكمّل مع العميل لحد الأوردر.
سجّل في رقمي، واربط واتساب بيزنس وصفحة فيسبوك وحساب إنستجرام. للشات بوت: ابدأ من الأتمتة أو من قالب جاهز، وضيف أسئلة بأزرار، وانشره. وللمساعد الذكي: ضيف منتجاتك أو خليه يقرا موقعك، واختار اسمه وأسلوبه وشغّله. مفيش أي كود.
المساعد الذكي جزء من باقات رقمي، وكل باقة فيها عدد من ردود الذكاء الاصطناعي. شوف الباقات في الجزء اللي فوق، أو كلمنا ونساعدك تختار. وتقدر تبدأ مجانًا.
لأ. السعر والمتاح والشحن بييجوا من متجرك مباشرة. ومفيش منتج بيتضاف للأوردر غير لما العميل نفسه يطلبه أو يوافق عليه.
أيوه، المساعد بيعرّف نفسه إنه مساعد آلي، زي ما سياسة Meta طالبة. وتقدر تكتب الجملة دي بالعربي والإنجليزي بالشكل اللي يناسبك.
أكيد. أتمتة خدمة العملاء من أهم استخداماته: بيرد على أسئلة الشحن والاسترجاع ومواعيد الشغل من قاعدة المعرفة بتاعتك، وبيحوّل لفريقك اللي محتاج حد.
أيوه. المساعد بيفهم المصري والخليجي والفصحى والإنجليزي، وحتى الرسايل اللي بتخلط بينهم، وبيرد بعملة متجرك وأسعاره.
أيوه. رقمي بيتربط بـShopify وWooCommerce وEasy Orders، فالمساعد بيشوف منتجاتك وأسعارك وأوردراتك أول بأول. ولو مالكش متجر على المنصات دي، تقدر تضيف منتجاتك بنفسك.
رقم واتساب بيزنس بتاعك، وبتربطه بـرقمي من خلال API الرسمي من Meta في خطوات قليلة من لوحة التحكم. وبعدها نفس المساعد بيرد على الواتساب والماسنجر والإنستجرام.
إدارة المحادثات والطلبات والحملات وفريقك في أي وقت ومن أي مكان مع تطبيق رقمي على الموبايل.
جاهزين ندعمك في أي وقت.
raqmee.com
